渣古II•改評鑑
見之前有人寫下評鑑,我又寫先@@~(由於我唔想整圖咁麻煩...所以只會字面說明...)
唔講廢話~評鑑開始~
基本資料
機體:渣古II•改
屬性:拳
1武:斧頭~(迷:唔洗講都知...渣古專用武器...)
2武:機槍~(迷:記住...唔係0079果d好樣既機槍...係0080好靚果d...)
3武:鐵拳~(迷:sd入面係咁寫...其實係一粒飛彈仔...附有reload力下降既效果)
評鑑
我覺得呢~呢隻野都幾好用,先講講佢d武器先啦~
1.斧頭
收刀(收斧?!)都算快,攻擊ok痛,打剪機痛,打包都算好
2.機槍
呢部機既特色武器~就算唔洗攻速上升(唔係唔洗...係冇...)跳射都會連射得好勁,好似唔洗斷咁樣,只係射射下會斷一斷(註:係就係會同普通機一樣斷一斷,但係斷既時間重短過exam system),因為呢部機攻擊力偏低,所以二武既連射速度補救左低攻既缺點,所以呢部如果同拳機玩槍戰贏既機會率會大d~
3.飛彈
實用性都幾高~呢樣武器如果同人打打下槍戰冇彈可以用,唔單止攻高,起手快,而且reload速度重好快tim,如果人地血量少果陣(1%-15%)一粒飛埋去足以秒殺(除非高防或有銅牆鐵壁之類既提升防御技能)
(小提示:因為以上原因,汁雞都幾好嫁~就算打中唔死都重可以用二武補槍)
用法(我平時打既個人用法)
我多數唔會衝過去做炮灰,我會係場既中間果度玩射,但係如果前面大部份都係包機,我就會衝(當然~緊係叫埋隊友一齊~)我會係磨左佢地大部份彈(因為d人多數唔中...)之後整粒飛彈(三武)埋去,之後射佢幾槍,再衝去斬幾野,我通常打4下就收刀(收斧?!)飛去後面狂射(如果有人衝緊過黎,我就會打哂5下打訓人...)
強化
至於強化點呢...我首先會加左攻先,因為呢隻野d攻唔知點解去左一半速度果邊...搞到攻擊勁低...
以上係我既個人睇法,如果其他大大有其他更好既意見~就post上黎啦.\口/.!!(姆指!!)
[ 本帖最後由 anxty 於 2010-1-27 18:41 編輯 ]
|
