琴日2/8我同朋友 - 阿恆約左9點係港鐵站等
但係一洛車去搵阿恆就已經比人叫住買祺
條友立刻痴左係我身到 ,但係我又冇大餅 ,結果一開波就唔見左20蚊T_T
之後同阿恆搭港鐵 ,過左半個鐘 ,姐係9點半到左會場排隊買飛
唔夠半個鐘人數就已經多左一倍
之後大約10點半終於比我地入場 ,後面有個肥佬成身汗係咁推我 ,係到打尖
班實Q只係話 "唔好跑!慢慢行!" ,仲要拉開個欄 ,整闊個人龍 ,我頂!咁咪姐係叫人里打尖?
個肥佬係咁向前沖 ,以為入到去就買得飛 ,但係入到去原來又係排隊 ,只係有冷氣姐
個肥佬又係係我地前面 ,條友扮到冇野咁排隊 ,當正自己好似晨早係到排隊咁 ,家陣D香港人塊面真係厚呀!
足足等左個半鐘 ,姐係11點先比我地買飛入去
入到去我就立刻沖過去BANDAL果到 ,問佢有冇G05 ,條友話冇哂貨 ,問佢有冇hi-nu又話冇哂貨
之後我就走左去火狗到買左本千夜一夜既攻略+CD(其實主要係為左CD既=w=
次次去動漫節我都係會有同一句說話 :
"點解火狗D野明明咁萌 ,仲要係隻隻中文版 ,點解都會冇人睇 ,冇人買?"
之後我地去左睇電擊果D得獎作品 ,機娘春日果然好正
之後還惦行到里 ,我又去左BANDAL果到 ,問佢有冇G05 ,條友又話冇哂貨
迷之聲 : 阿恆只係為左帶我依個大路痴里會場既棋=w=
之後我地去左果D同人誌攤到(但係係冇同人誌既
人地畫得C.C.好令呀= = 但成百幾蚊 ,而且我又對掛畫冇愛 ,咁就算啦
之後去左間手辦店 ,見到個櫥窗有個黑衫盾姬 ,同埋刃馬合一
可惜刃馬合一已經賣哂T_T 黑衫盾姬又話未出(咁您個櫥窗又會有?@@
睇多睇個櫥窗 ,點解個百式(由莉亞)既"那裡"可以咁大?= =同漫畫差咁遠?=口=搞到我又想睇番漫畫啦= =
之後行下行下見到寫住"戰國第一" ,原來係幸村(雖然係"第一" ,但唔係"最強"=w=
啊啊!!右面係奧洲獨眼龍 - 政宗老大!!! 原來係果隻囧game - 機甲鬥神傳
入到去睇果D試玩 ,真係令我好失望
幸村係拎住把紅色唔知係牙刷定斧頭既野 ,後面加對翼(小心基拉大神里搵您地放陽電子呀!!!
不過幸村唔緊要 ,我重點係政宗=w=
我頂!!!政宗個poster唔玩六爪流我都算啦 ,隻game個政宗同幸村一樣 ,不過只係藍色
唔玩六爪流 ,唔用劍就咪出政宗啦!因住CAPCOM話您侵犯版權呀!
之後見到娜歐醬 ,身體不其然行左過去=w= 原來係爛橙個攤 ,見到人玩CSO
根本同CS一鬼樣 ,CZ都令過佢 ,又係失敗作一隻
成場阿恆都只係跟住我行= = 所以跟住佢話想買書 ,我就倍左佢去果個"MEGA STORE"(吐糟出沒注意)
排左半個鐘 ,入到去我見到死靈師 ,當然好開心啦!任務之一
但係寫住話係18+ ,小小殺必都唔比買(因為佢寫明要比身份証佢睇
銀魂18+就冇野好講啦!但佢係一集卡拉一集卡拉咁18+既
依個係我最火 ,植木的法則都可以係18+既!原來環保同種樹係成人既娛樂里既?
之後白白哂左我咁多時間 ,咩都冇買到
我地行下行下 ,又去番BANDAL到 ,我問最後一次有冇G05 ,條友竟然話有 ,係一千零一盒(係做好事?定係上天可憐我哂左咁多時間?
$170 任務. . . .完了 佢入左個自護公國袋到 ,我再問佢有冇hi-nu ,可惜都係冇
之後撞到2個fd ,興哥同簡水 ,我地行左去買武士刀 ,恆買左把天鎖斬月
我見到天鎖斬月 ,冰輪圓果D太長 ,問老細有冇短D既 ,佢拎左把武士刀比我 ,係就係幾令 ,不過又短左D ,問佢有冇D係斬月同依把野既中間長度佢話冇 ,不過一樣照買 天鎖斬月$170 武士刀(短)$170
之後我地行下行下 ,無啦啦D人停哂係到 ,原來係勁舞團比賽 ,見到D高手好勁 ,D燈明明未著哂 ,佢都可以按空白照跳到 ,可惜我對依隻game冇愛 ,之後簡水又話想買武士刀 ,佢果把同我一樣 ,但係係斬月同我果把既中間長度= = 我立刻同佢退貨 ,+$30換把長D既
之後阿恆話頂唔順 ,對腳好痛 ,話要走 ,佢走左. . . .
我地3個行行下 ,我見到部曉擊霸mk-2 ,可惜冇曉擊霸 ,不過照殺= =$200入手
之後我地去左飲食果到食野 ,打夢幻之星 ,等雜音 . . . .
[
本帖最後由 藍色鎮魂曲 於 2008-8-3 12:11 編輯 ]
