過去
唔知大家識唔識我, 又唔知大家認唔認得我
畢竟我係同盟都潛左好耐
相比起以前已經冇放咁多時間係同盟
唔知道計埋舊同盟我係呢到有幾多年歷史
我份人就好念舊既, 一諗起以前既野就停唔到
仲記得以前見證過同盟既高峰期
係串區講粗口串人九唔搭八就好型
俾老虎親自加分
自己同一堆完全唔識既人吹水, 打機
見都未見過面, 奈何當時年紀太細 唔夠膽出席NM
自己用左好多時間花左好多青春係一個論壇上面
為左咩?
為左積分, 為左俾人地知道自己既存在, 為左做版主
全部都係為左一d 冇實際意思既目的
但係而家自己同呢個群體分開左
好多人都變曬失蹤份子
反而會覺得有D可惜,
已經發現自己唔係以前既我
已經長大
好多野懷念, 好多野後悔
以前冇facebook, 冇twitter
一開電腦想搵有人既地方, 就係上同盟
永遠最幼稚, 做最得錯 就係自己既過去
但諷刺既係最美好, 最幸福, 最珍貴既 就係自己既過去
可能你唔係咁諗, 但至少我覺得自己呢份感覺唔會假
而家我一個人身在澳洲, 無數既野忙
壓力大到不行 成千上萬字既essay
後日就due day, 心事重重
忙裡偷閒先至可以上黎吐糟
其實冇咩信息想表達, 諗到咩就想講咩
只係希望曾經傻氣過既你
會憶起自己既過去
對住螢光幕會心微笑
以上, 文筆雜亂, 唔好介意
|
