機動同盟 Gundam HK - Powered by Discuz! Board

標題: [轉載 - 笑話] 60個分手理由 [打印本頁]

作者: beeno 時間: 2008-5-14 16:10 標題: 60個分手理由

搞笑版：
１）對唔住，我有絕症，分手啦∼∼
２）我阿媽同我地夾過八字，唔單止唔夾，仲會剋死我老豆，所以而家要飛你。
３）你就皇帝享受，我就奴隸感受，點一齊呀？？
４）因為我會早死，所以我唔可以愛你。
５）我最近先發現原來我都係女人，Ｓｏｒｒｙ∼
６）Ｓｏｒｒｙ，因為我係基佬∼∼！！
７）我都唔知當初點解會同你一齊，你係咪落左降頭呀？？
８）我又唔係情場燒烤叉，又點會專拮豬扒呢？
９）相士話我係天煞孤星，你都係走啦∼

情聖版：
１０）我唔識得去關心人，所以我無資格去愛你。
１１）我係愛你架，但無奈我地既ｔｉｍｉｎｇ錯左，或者我地注定有緣無份啦∼
１２）我地既愛就好似扣錯鈕一樣，既然係無心開始，不如分手啦∼
１３）因為愛得深就恨得深，所以我唔可以再愛你。
１４）我恐怕我對你既愛超出我所能既負苛，最終最傷心既亦得我一個．．．．
１５）Ｓｏｒｒｙ，我根本唔知咩係”愛”，我絕對唔係一個好情人。

豪爽版：
１６）唔愛就唔愛，所有理由都係藉口。
１７）我要去外國讀書呀，等得你就等啦∼Ｂｙｅ∼
１８）我都唔知點解唔再愛你，我都好無奈，所以你唔好問。
１９）對唔住，分手啦，如果你要打我既，打啦∼∼！！
２０）愛就愛，唔愛就唔愛，呢個係現實，你都係接受現實啦∼
２１）算啦∼我地以前開心過咪得囉∼
２２）緣盡就唔好強求，勉強就唔會有幸福，分開啦∼
２３）Ｅａｓｙ　ｃｏｍｅ　ｅａｓｙ　ｇｏ，唔好拖拖拉拉啦∼

掣沉對方版：
２４）當初決定同你一齊，就係我一生做過最錯既事。
２５）因為你一次好又一次咁ｈｕｒｔ我，你已經唔值得我去愛啦∼∼！！
２６）佢既出現，令我唔記得點愛你，你都係俾自己走得高貴Ｄ啦∼
２７）你以為我真係咁愛你咩？你睇下你自己咩樣，而家我玩完啦∼∼！！
２８）有時我都想問你老豆老母點生女架，生到好似你咁，我頂唔順啦∼！
２９）你呀，成塊豬x咁，拮都拮唔入呀∼！

變心版：
３０）我係曾經愛過你呀，但而家已經唔再愛你啦∼
３１）我最愛個個唔係你，再同你一齊我ｆｅｅｌ對你唔公平。你唔ｍｉｎｄ我ｍｄ呀∼∼
３２）佢係比你好，我應我係愛佢多Ｄ∼∼∼
３３）世界都會變啦，何況我係一個普通人？？
３４）無錯蘋果係好食，但我而家鍾意食橙多Ｄ喎∼∼

強詞奪理版：
３５）我連自己都未識愛，點去愛你呀？
３６）我怕受傷，為左唔令自己受傷，唯一既辦法就係唔去愛。
３７）我仲未慣有個人係身邊。
３８）雖然有緣一齊，但唔代表有份。
３９）你唔接受我既一切又點會交個心出黎呀？？

埋怨對方版：
４０）你根本無愛過我，我又點會對你有所留戀？？
４１）我太愛你，但愛得太沉重，我唔想令自己生活係咁沉重既愛之中。
４２）我唔想愛一個已經唔愛我既人啦∼∼
４３）愛一個人要付出真心，但對你付出既一定唔係好∼∼
４４）你太易愛人啦，你根本唔係真正愛，你只係一時衝動。
４５）我愛既係你，但唔係而家既你，你變左啦∼∼！！
４６）發覺你唔愛我，又唔想俾你飛，所有我而家要飛你∼∼！！

扮偉人版：
４７）係我一生人中，你係對我最好既人，可惜我太自私啦，我唔想傷害一個對我咁好既人，Ｓｏｒｒｙ．．．．．
４８）愛一個人唔一定要佔有。
４９）我仲鍾意你，但係好ｆｅｅｌ到你同我一齊你好唔開心，為左你開心，我地啦∼∼
５０）世界好大架，唔好因為我綁住自己。
５１）咩叫”幸福快樂”呀？日日對住就叫幸福快樂咩？
５２）你係一個好女仔，我ｆｅｅｌ自己真係配你唔起。
５３）為你好，就唔應該夾硬要同你一齊，咁樣你會好辛苦。

其他：
５４）當我同你一齊之後，我發覺你唔係我所鍾意類型。
５５）係大家感情無咁深既時候分手啦，好過第時大家唔捨得。
５６）我認為天同地唔可以黐埋一齊，我同你既情況一樣。
５７）如有日你同我阿媽跌落水，我諗我都係幫我阿媽先。
５８）多謝你令我明白咩叫”愛”，但你同時令我明白到我所愛既唔係你。
５９）我一向都好尊重你，所以請你尊重返我呢個決定。
６０）離開你既痛唔夠同你一齊既痛

作者: 星月流恨 時間: 2008-5-14 18:37

頭個d就好笑,越下越無聊

作者: akji47 時間: 2008-5-14 19:42

幫你加多一個la- -
其他:
sorry~我始終都係一隻無腳ga小鳥,分手la

作者: 水晶騎士 時間: 2008-5-18 22:31

英文版:
Do you know?
You are not my cup of tea

作者: m11 時間: 2008-5-19 05:55

還是「對不起，　你是個好人。(發卡)」比較好(拖

作者: wat.the.fun? 時間: 2008-5-19 07:03

我應該就是天煞孤星....

作者: 火星人 時間: 2008-5-22 20:19

加多一個:
我有左第二個,我地分手吧la!

作者: akji47 時間: 2008-5-23 18:53

嗯,綜合以上見議樓主加番~"~

歡迎光臨機動同盟 Gundam HK (http://gundamhk.com/)