屌，俗寫係「門」字裡加個「小」字（𨳒），字面解係男性外生殖器俗稱，引伸成形容男人陽具插入女人陰道時個動作，但含有貶意。喺廣東話多數係用嚟鬧人嘅粗口。有時有啲嘢唔順嗰陣，都會講「屌~！」咁樣當係嘆氣，所以亦算係一個助語詞。
喺台灣，屌有另一個完全唔同嘅意思，通常解做「好嘢」。
頭號禁字
屌喺廣東話地區嚟講，可以話係頭號禁字，由於呢個字喺廣東話嚟講性質相當侮辱，而且好有攻擊性，所以用呢個字鬧人實撩起人把火。因為咁而令呢個字成為頭號禁字。
香港
喺香港，雖然香港法例無指明話呢個字係粗口[1]，不過一般共識都已經將呢個字當做粗口。所以喺電視、電台，屌可以話係頭號禁字，唔畀講，而喺電影出現屌，亦都會列做三級片。傳播媒體唔畀，喺根據《廣播事務管理局條例》，但同樣無列明粗口定義，只要有人投訴，就當係粗口。不過傳媒機構有內部守則，講明屌字屬粗口。
字源
魯迅喺魯迅全集曾經引用章太炎嘅研究，指「」同「閪」其實掉轉咗意思，「」係解「閪」，「閪」先係解「」，不過流傳落嚟，已經個個講「閪」，而無人講「閪」，慢慢兩個字意思就掉轉咗嚟用
其實屌字因為意思粗鄙，所以無人用字記錄，從來只係得個音而無字，曾經出現過好多種寫法，好似「肏」、「丟」、「」、「小」、「刁」等。《康熙字典》就以「屌」字為正寫，《李氏中文字典》同《香港粵語詞典》就以「」做正寫。至於話邊個先係正字，其實仲未有一個一致結論。
台灣講屌
屌字無普通話發音，所以喺普通話入面，屌字跟廣東話同一個發音。喺台灣，屌字又同台灣閩南話嘅「對」字同音，於是有啲人就將「屌」字用嚟做「對」字嘅對應[未記出處或冇根據]。最初喺傳媒上出現咁用法，係喺台灣MTV channel一段宣傳：「MTV音樂台，好屌！」，呢句嘢由有「廣告教父」之稱嘅孫大偉創作出嚟，原本意思係：「音樂是有量的」，形容音樂可以令人有快感。呢個廣告出咗之後，「屌」就成為台灣人流行用語，好多人鍾意用「好屌！」去形容一啲好正，好有感受嘅嘢[2]。
文學講屌
江浙方言同客家話入面，「鳥」、「屌」同音，所以亦有人用「鳥」當「屌」字寫，例如《水滸傳》入面，施耐庵就用「鳥」做「屌」：「武松指著蔣門神，說道：『休言你這廝鳥蠢漢！景陽岡上那隻大蟲，也只三拳兩腳，我兀自打死了！量你這個直得甚麼！快交割還他！但遲了些個，再是一頓，便一發結果了你廝！』」
金朝董解元《西廂記諸宮調》卷三亦出現屌字：「怎背誦《華嚴經》呵？禿屌！」
喺30年代，有人因為覺得陳公博掛住溝女唔理國事，就以「丟」做「屌」字，寫咗首咁嘅打油詩嚟串陳公博，喺《苦笑集》發表：「國事真是丟那媽，近日心事亂如麻，從來不食山西醋，爭看佳人郭艷霞。」
[
本帖最後由 Dragon 於 2007-9-20 20:00 編輯 ]
