[教學][轉] 舊化模型
上油教學
GUNDAM&軍事模型也適用的~
步驟一
當然噴底灰再噴上深墨綠色
然後以GUNDAM經典噴色技巧MAX上色法造出比較誇張的陰影效果
(注意此方法是用以舊化,誇張陰影會俾遲D既噴沙&噴泥步驟掩蓋從而整出適當的陰影效果)
如果你想軍事模型整到靚靚仔仔剛剛出廠咁奇突
此方法不適用
因GUNDAM模型比例遠比軍事模型大
陰影要比較誇張
相反地軍事模型誇張陰影會埋沒其真實感…
用MR.COLOR no.15做底
再加大量白色打高中低光陰影(約1:1)
步驟二
滲線
唔少人用Tamiya X-1 or 18滲線
不過對坦克我就懶得咁用
由於坦克畫線量少
加上之後都會搞舊化
用GUNDAM real touch marker(BLACK)方方便便畫線算數
(要等乾透)
步驟三
開石膏粉至糊狀
(細佬秘袂1:加兩三滴白膠漿以加快乾透及加強抓著力)
否則一遇輕微碰撞或磨擦會好易崩
加少少草針碎(洗衣街某某模型舖有賣)
窮的話
剪碎一D五蚊雞粗麻繩再上綠色頂當~
效果都很不錯
以荒廢了的畫筆將其填上履帶及輪子既空位
做出黏上泥垢草根的立體效果
之後用新一枝畫筆將TAMIYA XF-64 & 56..etc等等沙泥顏色填上石膏上
(細佬秘袂2: D油要結結地,不要等乾透,油深色先才加淺色係面等D油溝溝地色)
相信細佬既經驗啦
效果將會一等一真實
坊間有TAMIYA甚麼Weathering Stick 3D出售
細佬開頭以為係好野
一用之下發覺效果好差
毫不立體亦無顏色變化之餘
仲very dirty~
所以不suggest大家用的
步驟四
噴一層好薄既消光先
(以免D滲線會被遲D洗走)
再大大稀釋TAMIYA enamel paint
有朋友認為舊化即係加黑色灰色係模型面上
結果效果毫不真實
所以當然不是這樣做啦
(細佬秘袂3:用較底色暗的顏色做而非黑色)
E.g.我用左D灰色溝深綠色同銹色去洗洗裝甲
咁樣會協調D同自然D
乾左後用棉花棒輕輕點點X-20去抹走多餘既enamel paint
平坦位置污垢會因而完全抹走
殘留及抹不走於裝甲凹凸位置的就相當似真實既污垢
相信細佬既經驗啦
效果亦將會一等一真實
步驟四詳細補充
沙泥顏色還沙泥顏色而生銹色還生銹色
理想的沙泥污垢=石灰(3D泥跡)+
混和沙泥顏色(我用了四五隻色混和去強調顏色變化)+
$5碎粗粗國產麻繩(油上GREEN先呀)
理想的生銹舊化污垢=灰或黑色溝深綠色同銹色
(因我部坦克綠色)
要滲線後先加沙泥&銹色係因為現實中D間隙絕對會沾上污垢
如最後先滲線就會整到不協調
因整部野成身都dirty但D間隙乾淨??(不夠自然&真實了)
沙泥顏色暫時到這步驟都只係整左係履帶及輪子空位
生銹舊化顏色暫時到這步驟都只係整左係裝甲表面
兩者存在的地方不同
所以唔會洗走或抹走對方
記得沙泥顏色結結地上
生銹舊化污垢超稀釋地塗上
這次較清晰了嗎??
步驟五PART ONE
準備海綿
唔係細細個沖涼索番皂水個D
係女仕化妝補粉個D先得架
個D先夠密夠滑
然後CUT海綿CUT到一小塊
最好剪裁大小就似TAMIYA呃錢的$20海綿棒咁
(雖然呃錢又易爛但易控制加精細)
一窮二白買唔起呃錢海綿棒
又咁懶得剪海綿但又想做到呃錢海綿棒既精細效果既
可以入SaSa或卓悅等地
買枝cheap cheap上眼影既海綿棒
價值$10兼有5個海綿頭任你玩
(TAMIYA呃錢海綿棒只得一個海綿頭~陰功)
功用以及操控跟呃錢海綿棒完全一樣~~
然後就準備用海綿頭點一點印Enamel paint落模型度
(泥沙色為主而生銹或污漬會係之後步驟先加)
因為當GUNDAM或坦克於地面移動時
主要的垢物肯定是泥沙
(放心放心~灰塵都係之後steps先加)
E.g.沙泥,生銹,之但係有時污漬係會擴散左既喎,
E.g.雨水,銹水,油污或泥水流污過漬,
一般技巧去模擬一撻撻污漬係輕輕點一點算,
係一D想突出擴散左既污漬既地方可以大膽D以海綿頭拖曳Enamel paint至一行長長痕跡)
(初初整會驚畫錯,但可以洗清的,不用怕~)
E.g.ONE一撻撻污漬請看看裝甲邊角位
E.g.TWO擴散左既污漬請看看坦克右邊人馬公仔[CABALLERO]字樣附近的一記拖曳長長痕跡
仲有請看看坦克前方裝甲右邊的又一記拖曳長長痕跡~
應該掌握得到吧
重要注意1:
要自然的真實表現,拖曳長長痕跡肯定不會多而主要係用輕輕點一點的一撻撻污漬
步驟五PART TWO
重要注意2: 必須有泥沙拍打並依附裝甲的概念
這概念對模型良好的真實表現超級重要
所以今次會多少少係呢方面著墨先
(有手法都仲要有心法先得)
E.g.ONE 這構想中的坦克是向前移動的
因此泥沙較易&頻密依附住坦克前方裝甲(因泥沙的翻起)
所以前方裝甲須印得重手D而後方裝甲輕手D
(秘袂6:千祈唔好隨意平均咁整舊化,
因這會超級做作,毫不真實;
裝甲邊角位係最理想印paint的位置,
而重手程度則視乎你構想中的坦克
or GUNDAM的移動方向或姿態)
E.g.TWO 假使構想中的渣古仔向前行過
咁腳板前端要重手D
腳板後端要輕手
渣古仔如果有跪過落地
膝頭要重手…etc~
相同的概念運用在其他方面的好例子
E.g.THREE 炮火口槍口一定有焦黑痕跡~
GUNDAM&軍事模型都一樣
E.g.FOUR GUNDAM噴射器會燒焦後方裝甲&
軍事模型死氣喉會燻黑附近
E.g.FIVE輸油管或油缸口一定有油污殘垢
E.g.SIX 門口位及倉門位因駕駛員的攀爬而甩少少色
仲可以有好多例子
不過查實都係一理通百理明
運用下創造及想像力啦各位~~
步驟五PART TWO (續)
以坦克為例
重要注意3:千祈記住不要平均也不要忽略
唔好諗住向前移動就只印前而不印後
須知道如此巨大機器移動定必翻起一大堆泥沙及灰塵
這些泥沙往往會因而依附住裝甲後方~
裝甲邊角位各自有相應程度的舊化痕跡
(邊角位also前比後重手) 留意留意
履帶及輪子卻是較平均的
(因履帶及輪子是重覆運作~
所以泥沙差不多一樣頻密地依附不論坦克向前後左右走)
這是恰當印paint的好例子~(賣花讚花香??)
換言之GUNDAM的太空坦克履帶及輪子也是同一道理
步驟六 Part One
戰車及坦克就好似過分活躍既細路仔
成日整到周身污糟~
呢句野真係銘記同運用到依家
相信一直留意住此教學既朋友
唔多唔少都會對呢句野有D共鳴
細佬我都好希望見到以上既心得可以或多或少幫到大家
再一次多多支持~
之前講話步驟六係乾掃
今個步驟會相當長下
因技巧及心法較難掌握~
今次要準備既係大約五六枝cheap cheap 畫筆
(多少枝視乎模型表面多少種顏色)
用$2枝PenXXX牌畫筆即可，
買貴一貴既係呢個步驟入面都會好快開叉壞)
仲有卡紙or軟布or廢紙(要淺色為佳)
查實乾掃即係用一支沾上油漆不過差唔多乾透既畫筆
(中小型筆頭)
係模型表面來來回回刷下刷下咁~
令模型表面凸出來既地方既細節位
可以沾上一DD油漆
記住個用意就係要更加顯現及強調凹處既細節輪廓~
同埋受光的特別角度調較
而不是整體打陰影
(因陰影早於步驟一打了)
就咁講就相信大家點都唔會明白箇中道理
(除非天份甚高啦)
所以Part One我會同樣地多D著墨說明一下個手法
Part Two 同樣地多D著墨說明心法
秘袂7: 筆刷上面既油漆份量+
濃度係整個乾掃過程既成敗關鍵,
如果油漆份量太多太稀太少都唔得)
太多: 模型表面有一條條明顯筆痕
太稀: 同上
太少: 上唔到色
太濃: 唔均勻~
千萬千萬千萬記住
大家亦可以從坦克上輕易看到顏色循序漸變的效果~
用以強調凹入細節
重要注意3:
乾掃係用來強調輕微顏色轉變
(反映出受光度及自然感)
需要柔和漸變的漸層效果
而不是整體打陰影或整污糟模型表面
切記這概念先
[ 本帖最後由 laie1701 於 2007-11-26 17:47 編輯 ]
|
