寒風回歸......(震)[哈哈哈哈哈,笑死我啦!!!剛剛發生左一件事]
果然比某人講中.....今日突然又凍番....好...好大風喔.....(震)
成日都唔記得買野整番個爛窗......腦殘喔......(震)
又到左好悶既時候......大家有咩野搞呢.....?(震)
不過應該有人仲係到溫緊書吧......(震)
呼....好冷喔..........(震)
=======================
在我打完呢篇野之後,我無幾耐之前叫既外賣送到,我一打開門,我隻狗狂吠(好中意嚇人).
條外賣仔同我咁上下高,我估唔到佢第一句會講「你你你唔好開門住,我好驚....」,
係呢個時刻,我就好似夜神月忍笑既情況一樣,我叫我家姐捉住隻狗,佢先比我開門.....
我見佢咁驚,我就比多3$小費過佢(幾好人,哈哈!),之後佢係到數錢,我家姐捉唔實隻狗,比佢撲左過去門口度,
由於有木板隔住,所以隻狗隻手拍落去木板度,
我同佢講「唔洗找」既同時,條外賣仔驚到一邊「wow~~~!!!!」咁叫,一邊光速逃....
我已經忍唔住笑...所以我好快咁關門,之後停左兩秒之後,滾地狂笑....噗.....太好笑啦......笑死我....!!!!
[ 本帖最後由 竹本風鳴 於 2008-1-13 21:25 編輯 ]
|
